Анықтама бюросы

Аныктаманы қалай алады?

Әлеуметтік-құқықтық сұраныстар мен өтініштердің түсуі электрондық үкіметтің порталы арқылы жүзеге асырылады. Және де «Азаматтарға арналған үкімет» мемлекеттік корпорациясы» коммерциялық емес акционерлік қоғамының Шығыс Қазақстан облысы бойынша №1,2,3 бөлімдерінен, сондай-ақ "электрондық қызметтер орталығы" (ЭҚО) арқылы түседі.
Азаматтардан әлеуметтік-құқықтық сұрақтар бойынша кеңес беруді «ҚЗТҚО» КММ әлеуметтік-құқықтық сипаттағы сұраныстарды орындау бөлімінің жетекшісі Аубакирова М.Ж. жүргізеді

   байланыс телефоны 8 (7222) 56-00-48

   Азаматтардың өтініштерін қарау тәртібі:

Қазақстан Республикасының жеке және заңды тұлғалардың өтініштерін қарау тәртібі туралы Заңымен бекітілген;

Анықтама алу үшін, өзіңізбен бірге ЭСҚ болуы қажет (электрондық сандық қолтаңба) немесе «Азаматтарға арналған үкімет» мемлекеттік корпорациясы» коммерциялық емес акционерлік қоғамының Шығыс Қазақстан облысы бойынша №1,2,3 бөлімдерінде өтініш бере аласыз.

Сұраныс жасаған кезде азаматтың жеке куәлігі, еңбек кітапшасы немесе оның көшірмесі болуы қажет. Бөгде адамға сұраныс жасаса – нотариалды куаландырылған сенімхат керек.
Архив азаматтардың сұраныстары бойынша: ресми расталған архив анықтамасын, архив құжаттарының көшірмелерін береді.

Архив құжаттары бойынша мыналарды растауға мүмкіндік бар:

  • еңбек өтілі;
  • еңбек жалақысы;
  • Ұлы Отан соғысы жылдарында Семей облысына көшірілгені туралы;
  • жазалауды қолдану (кулактарды тәркілеу);
  • балалар үйінде болғаны туралы;
  • ордендер мен медальдармен марапатталуы;
  • кәсіпорындардың атының өзгеруі және қайта құрылуы;
  • Cемей облысының атауының өзгеруі;
  • Cемей қаласының атауының өзгеруі;
  • 1932 жылды қоса есептегендегі азаматтық хал актісін жазу (туғаны, некеге отырғаны, қайтыс болғаны ).
  • Семей қалалық Халық депутаттары Кеңесінің атқарушы комитетінің, Семей қаласы әкімінің, Семей облысы әкімінің шешімдері;
  • 1997 жылды қоса есептегендегі Семей қаласы аудандық соттарының шешімдері;
  • Семей облысының Жаңа-Семей және Абралы аудандарының ауылдарында тұрғандары туралы;
  • сату-алу келісімдері;

 


Парақтар өзгертілді: 18-03-2021