КСРО Қарулы Күштерінің еңбек сіңірген ардагері, ҚР МҚК майоры Жемітолла Басарұлы Өскембаевтың туғанына 85 жыл.

Ол Семей облысы Жаңасемей ауданы Ақши ауылында шаруа отбасында дүниеге келген. 1943 жылы төрт жылдық ауылдық мектепке оқуға барды, бірақ соғыс жүріп жатқандықтан, оқуды аяқтауға мүмкіндік болмады. Тек 1951 жылы, Жемітолла Өскембаев Шар қаласының жеті жылдық мектебін тамамдағаны туралы аттестатын алып, есеп жүргізуші болып жұмысқа орналасты.

Ол 1953 жылдан 1955 жылға дейін Кеңес Армиясы қатарында қызмет етті. Әскерден келген Жемітолла Өскембаевты облыстық әскери комиссариаттың ұсынысымен облыстық мемлекеттік қауіпсіздік комитетіне жұмысқа қабылдайды. Ол №1 орта мектеп жанындағы кешкі мектепке түсіп, оны бітіргеннен кейін Семейдің Н.К.Крупская атындағы педагогикалық институтының тарих факультетінде оқуын жалғастыруды шешті.

1968 жылы Жемітолла Өскембаев диплом алып, Ташкент қаласындағы МҚК дайындық курсына түсті. Курс аяқталғаннан кейін оны Мақаншы ауданының Бақты ауылына қызмет етуге жібереді.

Содан кейін Алматыда МҚК үш айлық курстары және Мәскеуде жедел әрекет ету бойынша екі айлық курстардан білім алды. Жалпы мемлекеттік қауіпсіздік органдарындағы қызметке Жемітолла Басарұлы отыз жыл бойы басшылық етті. Ж.Б. Өскембаев Құрмет демалысына 1986 жылы майор атағымен шықты.

Көп жылдық қызметі және өз міндеттерін үлгілі орындағаны үшін Жемітолла Басарұлы "Мінсіз қызметі үшін" I, II және III дәрежелі, "КСРО Қарулы Күштерінің еңбек сіңірген ардагері" медальдарымен, тыл еңбеккері ретінде – 1945-1945 жылдардағы Ұлы Отан соғысындағы кеңес халқының Ұлы Жеңісінің мерейтойлық медальдарымен марапатталған.